அல்லாஹ்வின் சாந்தியும் சமாதானமும் உண்டாவதாக.....
கடந்த சில நாட்களாக இலங்கையில் மிகவும் பரபரப்பாக பேசப்பட்ட விடயம்தான் தம்புள்ள மஸ்ஜிதுல் ஹைரியா பள்ளி தகர்ப்பட்ட விடயம்.
இது தொடர்பாக இன்று (27-04-2012) ஸ்ரீ லங்கா தவ்ஹீத் ஜமாஅத் இன் உத்தியோக பூர்வ இணையதளத்தில் வெளியாகிய பள்ளிகளைக் குறிவைக்கும் சிங்களக் காவிக் கரசேவர்கள் எனும் ஆய்வுக்கட்டுரையை இன்னும் பல நபர்களுக்கு சென்றடைய வேண்டும் என்பதற்காக மீள் பதிவு செய்கின்றேன்
அபூ ஹம்னா ஸலபி
இலங்கை பல்லின மக்கள் வாழ்கின்ற ஒரு நாடு. நாட்டின் அரசியல் சாசனம் மத சுதந்திரத்தை வழங்கியுள்ளது. இந்த சுதந்திரம் ஒரு சாரால் மீரப்படும் போது பிரச்சினைகள் எழுவதைத் தடுக்க முடியாத நிலை ஏற்படும்.
இந்த நாட்டின் பெரும்பான்மையாக வாழ்கின்ற சிங்களவர்கள் தமிழ்மக்களின் உரிமைகளைப் பரித்ததால், சுமார் 30 ஆண்டுகள் அதன் ரணத்தை அனைத்து மக்களும் அனுபவிக்க நேரிட்டது. அந்த ரணத்தின் வடுக்கள் மாறமுன்னரே இன்னொரு சிறுபான்மையான முஸ்லிம் மக்களின் பள்ளி மீது கை வைத்து மதத்துவேசத்தை சிங்களத் தீவிரவாத தீய சக்திகள் துவங்கியுள்ளன. இது ஆரோக்கியமான அறிகுறியல்ல என்பதை சுட்டிநிற்கிறது.
